ਮੋਗਾ, 28 ਜਨਵਰੀ: ਪਿਛਲੇ ਕੁੱਝ ਸਮੇਂ ਤੋਂ ‘ਜਿੱਤੇਗਾ ਪੰਜਾਬ, ਜਿੱਤੇਗੀ ਕਾਂਗਰਸ’ ਦੇ ਨਾਂ ਹੇਠ ਅਪਣੀਆਂ ਵੱਖਰੀਆਂ ਸਿਆਸੀ ਸਰਗਰਮੀਆਂ ਚਲਾ ਰਹੇ ਪੰਜਾਬ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਦੇ ਹਾਈਕਮਾਂਡ ਨੇ ‘ਪਰ ਕੁਤਰਨੇ’ ਸ਼ੁਰੂ ਕਰ ਦਿੱਤੇ ਹਨ। ਇਸਦੇ ਲਈ ਸਭ ਤੋਂ ਪਹਿਲਾਂ ਉਨ੍ਹਾਂ ਦੇ ਨਜਦੀਕੀਆਂ ‘ਤੇ ਕਾਰਵਾਈ ਸ਼ੁਰੂ ਕੀਤੀ ਗਈ ਹੈ, ਜਿਸਦੇ ਤਹਿਤ ਲੰਘੀ 21 ਜਨਵਰੀ ਨੂੰ ਮੋਗਾ ਰੈਲੀ ਦੇ ਆਯੋਜਿਕ ਮੋਗਾ ਜ਼ਿਲ੍ਹੇ ਦੇ ਸਾਬਕਾ ਪ੍ਰਧਾਨ ਮਹੇਸ਼ਇੰਦਰ ਸਿੰਘ ਨਿਹਾਲ ਸਿੰਘ ਵਾਲਾ ਤੇ ਉਨ੍ਹਾਂ ਦੇ ਪੁੱਤਰ ਧਰਮਪਾਲ ਸਿੰਘ ਨੂੰ ਪਾਰਟੀ ਵਿਚੋਂ ਬਾਹਰ ਦਾ ਰਾਸਤਾ ਦਿਖਾਇਆ ਗਿਆ ਹੈ। ਰੈਲੀ ਤੋਂ ਦੂਜੇ ਦਿਨ ਹੀ ਦੋਨਾਂ ਪਿਊ-ਪੁੱਤ ਨੂੰ ਪਾਰਟੀ ਵਲੋਂ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤਾ ਗਿਆ ਸੀ।
ना मैं गिरा न मेरी उम्मीदों का कोई मीनार गिरा पर , मुझे गिराने की कोशिश में हर शक्स बार बार गिरा !!!
— Navjot Singh Sidhu (@sherryontopp) January 28, 2024
ਇਸ ਵਿਚ ਦੋਸ਼ ਲਗਾਇਆ ਗਿਆ ਸੀ ਕਿ ਮੋਗਾ ਵਿਧਾਨ ਸਭਾ ਹਲਕੇ ਤੋਂ ਪਿਛਲੀਆਂ ਵਿਧਾਨ ਸਭਾ ਚੋਣਾਂ ਲੜਣ ਵਾਲੀ ਮਾਲਵਿਕਾ ਸੂਦ ਨੇ ਉਨ੍ਹਾਂ ਦੇ ਖਿਲਾਫ਼ ਸਿਕਾਇਤ ਕੀਤੀ ਸੀ ਕਿ ਰੈਲੀ ਦੌਰਾਨ ਨਾਂ ਤਾਂ ਜ਼ਿਲ੍ਹੇ ਜਥੇਬੰਦੀ ਅਤੇ ਨਾਂ ਹੀ ਉਸਨੂੰ ਹਲਕੇ ਵਿਚ ਰੈਲੀ ਹੋਣ ਦੇ ਬਾਵਜੂਦ ਵਿਸਵਾਸ ਵਿਚ ਲਿਆ ਗਿਆ। ਹਾਲਾਂਕਿ ਜਵਾਬ ਦੇ ਵਿਚ ਮਹੇਸ਼ਇੰਦਰ ਸਿੰਘ ਨਿਹਾਲ ਸਿੰਘ ਵਾਲਾ ਨੇ ਕਿਹਾ ਕਿ ਸੀ ਇਹ ਰੈਲੀ ਨਵਜੋਤ ਸਿੱਧੂ ਵਲੋਂ ਰੱਖੀ ਹੋਈ ਸੀ ਤੇ ਉਹ ਤਾਂ ਬਤੌਰ ਕਾਂਗਰਸੀ ਉਸ ਰੈਲੀ ਵਿਚ ਅਪਣੇ ਸਮਰਥਕਾਂ ਨਾਲ ਗਏ ਸਨ, ਜਿਸਦੇ ਚੱਲਦੇ ਜੇਕਰ ਰੈਲੀ ਬਾਰੇ ਕਿਸੇ ਨੂੰ ਕੋਈ ਇਤਰਾਜ ਸੀ ਤਾਂ ਉਨ੍ਹਾਂ ਦੇ ਵਿਰੁਧ ਨੋਟਿਸ ਜਾਰੀ ਕਰਨਾ ਚਾਹੀਦਾ ਸੀ।
The big question is what is the solution to Punjab’s deteriorating economy and how will you pull it out of the quicksand of debt !!! What is the policy driven program ; roadmap and most importantly who will implement it for genuine public welfare -will need a man of credibility,… pic.twitter.com/no5CVQ3OVy
— Navjot Singh Sidhu (@sherryontopp) January 26, 2024
ਗੌਰਤਲਬ ਹੈ ਕਿ ਬਠਿੰਡਾ ਜ਼ਿਲ੍ਹੇ ਵਿਚੋਂ ਸ਼ੁਰੂ ਕੀਤੀਆਂ ਰੈਲੀਆਂ ਦੇ ਵਿਚ ਨਵਜੋਤ ਸਿੰਘ ਸਿੱਧੂ ਦੁਆਰਾ ਪੰਜਾਬ ਕਾਂਗਰਸ ਦੇ ਆਗੂਆਂ ਉਪਰ ਵੀ ਅਸਿੱਧੇ ਢੰਗ ਨਾਲ ਨਿਸ਼ਾਨੇ ਸਾਧੇ ਜਾ ਰਹੇ ਸਨ। ਇਸਤੋਂ ਇਲਾਵਾ ਇੰਨ੍ਹਾਂ ਰੈਲੀਆਂ ਦੇ ਵਿਰੁਧ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਸਹਿਤ ਵਿਰੋਧੀ ਧਿਰ ਦੇ ਨੇਤਾ ਪ੍ਰਤਾਪ ਸਿੰਘ ਬਾਜਵਾ ਸਹਿਤ ਹੋਰਨਾਂ ਆਗੂਆਂ ਵਲੋਂ ਹਾਈਕਮਾਂਡ ਨੂੰ ਸਿਕਾਇਤ ਕੀਤੀ ਜਾ ਰਹੀ ਸੀ ਜਦੋਂਕਿ ਨਵਜੋਤ ਸਿੰਘ ਸਿੱਧੂ ਦਾ ਤਰਕ ਸੀ ਕਿ ਅਨੁਸਾਸ਼ਨ ਉਸਦੇ ਇਕੱਲੇ ਲਈ ਕਿਉਂ, ਦੂਜਿਆਂ ’ਤੇ ਇਹ ਗੱਲ ਲਾਗੂ ਕਿਉਂ ਨਹੀਂ ਕੀਤੀ ਜਾ ਰਹੀ। ਬਹਰਹਾਲ ਮੌਜੂਦਾ ਹਾਲਾਤਾਂ ਤੋਂ ਦਿਖਾਈ ਦੇਣ ਲੱਗਾ ਹੈ ਕਿ ਪਿਛਲੀਆਂ ਵਿਧਾਨ ਸਭਾ ਚੋਣਾਂ ਦੀ ਤਰਜ਼ ’ਤੇ ਐਨ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਕਾਂਗਰਸ ਅੰਦਰ ਸ਼ੁਰੂ ਹੋਈ ਖ਼ਾਨਾਜੰਗੀ ਛੇਤੀ ਹਾਲੇ ਰੁਕਣ ਦਾ ਨਾਂ ਨਹੀਂ ਲੈ ਰਹੀ ਹੈ।